ഒരു ദിവസം നൈറ്റ് ഡ്യൂട്ടി കഴിഞ്ഞു വീട്ടിലെത്തിയപ്പോള് എന്നെയും കാത്ത് വീട്ടിനു മുന്നിലെ അയയില് ഒരു തുമ്പിപ്പെണ്ണ് !. എന്നെക്കണ്ടതും പെണ്ണു പറയുവാ....“ എത്ര നേരമായി ഞാന് തന്നെയും കാത്തിരിക്കുന്നു.. ഒരു ഫോട്ടോ എടുത്തു തരാമോ” . മാട്രിമോണിയല് സൈറ്റില് കൊടുക്കാനാണത്രേ.
അവളു പോസ് ചെയ്തു... ഞാന് ക്ലിക്കി. എങ്ങനെയുണ്ട് നമ്മുടെ തുമ്പിപ്പെണ്ണ്?! പറ്റിയ ഏതെങ്കിലും ആലോചന വന്നാല് അറിയിക്കണേ...
“പുഷ്പാഭരണം ചാര്ത്തിവരുന്നൊരു സുരഭീമാസമേ...
നെഞ്ചോടു ചേര്ത്തുവച്ചോമനിക്കാന് അഞ്ചിതള് പൂ തരില്ലേ....”
വേലിക്കരികില് നിന്നു ചിരിക്കുകയായിരുന്നു ഇവള്... സുന്ദരികള് പണ്ടേ എന്റെ വീക്ക്നെസ്സാണ്.. എന്നാണാവോ ‘വീക്കു’ കിട്ടുക?!
ശംഖുപുഷ്പം കണ്ണെഴുതുമ്പോള് ....... എന്ന പാട്ടു കേട്ടപ്പോഴേ വിചാരിച്ചതാണ് എന്നെങ്കിലും ഒരു ശംഖു പുഷ്പത്തെ ക്ലിക്കണമെന്ന്. പാവം, എന്റെ ഓഫീസിനടുത്തെ കുറ്റിക്കാട്ടിനുള്ളില് വിഷമിച്ചു നില്ക്കുകയായിരുന്നു. ക്യാമറയുമായി എന്നെക്കണ്ടതും ഒരു പുഞ്ചിരി...
എനിക്കിനിയും മനസ്സിലാവാത്ത കാര്യം - എങ്ങനെയാ ഈ ശംഖുപുഷ്പം കണ്ണെഴുതുന്നത്? ആരെങ്കിലും ഒന്നു പറഞ്ഞു തരണേ...
--------------------------------------------------------------------
