ഇപ്പോള് തമിഴകത്താണു ജോലി. പവര്ഗ്രിഡ് കോര്പ്പറേഷന് ഓഫ് ഇന്ത്യ തിരുനെല്വേലിയില് നിന്ന് കേരളത്തിലെ ഇടമണിലേക്ക് നിര്മ്മിക്കുന്ന 400 & 220 കെ.വി.മള്ട്ടി സര്ക്യൂട്ട് ലൈനിന്റെ ഇന്സ്പെക്ഷനിറങ്ങിയതാണ്.
കൊടും വെയിലില് അല്പ്പനേരം ഇളവേല്ക്കാനായി വഴിയരികിലെ തോപ്പിലേക്കിറങ്ങി,ഞാനും സുഹൃത്ത് മധുകുമാറും. ഒരുവശത്തു നാരകത്തോട്ടം, മറുവശത്ത് കശുമാവിന് തോട്ടം. വാചകമടിച്ചിരിക്കുമ്പോള് തൊട്ടടുത്തെവിടെയോ ഇലയനക്കം! ചുറ്റും നോക്കി. ഇടതൂര്ന്ന നാരകത്തോട്ടത്തിനിടയില് എന്തോ നിറപ്പകര്ച്ച! ശബ്ദമുണ്ടാക്കാതെ അതിനടുത്തേക്കു നടന്നു. നോക്കുമ്പോഴുണ്ട്, അങ്ങു ദൂരെ ഒരു മയില്..!